《蟻俠》呢首歌最初係寫俾 關懷貧窮學校，適逢佢哋上年成立 10 周年，佢哋希望有一首熱血啲既主題曲，於是想作首輕快啲嘅歌比佢哋。
為咗呢首歌，佢哋特登上咗嚟 band 房探我哋，聽左佢哋講好多故事。我哋一聽到「貧窮」，就好自然諗起劏房、執紙皮，但其實問題再可以細分去到，夜晚漆黑嘅環境下整理紙皮會令拾荒者視力受損、手推車設計有時好唔方便行動不便嘅長拍，仲未計其他外判工人、殘疾人士嘅問題。
關懷貧窮學校團隊唔係好多人，但不論問題大小，都好用心嘗試解決。佢哋亦都做好多教育/倡議嘅工作，因為佢哋相信改變貧窮問題係要好多人嘅心態同行動上嘅配合，唔係一個機構，亦唔係一朝一夕就可以解決。
希望透過呢首歌同大家講，多啲察覺身邊默默耕耘嘅人，用唔同方式支持佢哋。現實中或許唔會有一個英雄帶來奇蹟，但有無數個默默耕耘嘅人，喺唔同嘅小節上付出。
特別感謝年青導演哥哥 @henriessss 幫我哋囉左咁多景，取景真係被太陽乾蒸😂，周圍都冇遮蔭，由朝早九點拍到去黃昏。導演同佢嘅 crew 都陪我哋曬足全程，辛苦了‼️—- 佳
（BTW 大家可以順便聽下 Marvel 蟻俠嘅 Theme Song，唔知大家留唔留意到呢個小彩蛋😜）
#蟻俠
#憑著熱血改變俗世
#boyzreborn
Search